منزہ عارف ڈرامہ انڈسٹری میں کیسے آئیں

تفصیلات کے مطابق اداکارہ نے ایک نجی ٹی وی چینل کے پروگرام میں شرکت جہاں انہوں نے اپنے کیرئیراورذاتی زندگی سے متعلق گفتگو کی ہے ۔

منزہ عارف نے بتایا کہ انہیں انڈسٹری میں 14 سال کا عرصہ مکمل ہوچکا ہے، 2007 میں انہوں نے پہلا ڈرامہ کیا تھا اور تب سے لے کر اب تک وہ ڈراموں میں اداکاری کررہی ہیں۔

اداکارہ کا کہنا تھا کہ میں اتفاق سے انڈسٹری میں آگئی، میرے دونوں بیٹے آڈیشن کیلئے گئے تھے، چھوٹے والے بیٹے نے کچھ ڈرامے بھی کیے ہیں، اسی ایک ڈرامے میں پرنسپل کا کردار ادا کرنا تھا جس کیلئے مجھے کہا گیا۔

ان کا مزید کہنا تھا کہ میں ایک ٹیچر تھی، شادی کے بعد بھی میں نے اسے جاری رکھا لیکن جب اداکاری کی فیلڈ میں آئی تو خود کو اسکرین پر دیکھ کر اچھا لگتا تھا۔