دنیا میں کورونا کی نئی لہر بھارتی نااہلی کی وجہ سے پھیلی : فواد چوہدری

تفصیلات کے مطابق وفاقی وزیر فواد چوہدری کاکہنا ہے کہ سندھ حکومت فوری طور پر صنعت کو کھولے، اگر ایس او پیز پر عملدرآمد کیا ہوتا تو آج یہ حالت نہ ہوتی جبکہ صوبائی حکومتیں انفرادی فیصلے نہیں کر سکتیں۔

انہوں نے کہا کہ سندھ حکومت نیشنل کمانڈ اینڈ آپریشن سینٹر (این سی او سی) اور وفاق کی ہدایت کے بغیر ایسے فیصلے نہیں کر سکتی، کراچی میں کرفیو جیسے حالات نہیں ہونے چاہئیں ۔

وفاقی وزیر اطلاعات کا کہنا تھا کہ سندھ حکومت نے صنعت بند کی تو ملکی معیشت کو نقصان پہنچے گا اور لاک ڈاؤن سے عام لوگوں کا روزگار چھن جائے گا۔ جب معیشت اوپر جا رہی ہے تو لاک ڈاؤن کرنا نامناسب ہے۔

ان کا مزید کہناتھا کہ جن صنعتوں میں 100 فیصد ویکسینیشن ہوگئی ہے اس صنعت کو کھولنا چاہیے، سندھ حکومت عام آدمی کی مشکلات میں اضافہ کر رہی ہے، ان کا روزگار چھین رہی ہے۔