کورونا کے بڑھتے کیسسز، حکومت نے ملک بھر میں نئی پابندیاں عائد کر دیں

تفصیلات کے مطابق این سی او سی کے سربراہ اسد عمر نے  ملک کے مختلف صوبوں میں نئی پابندیوں کا اعلان کر دیا ۔وزیر اعظم کے معاون خصوصی برائے صحت ڈاکٹر فیصل سلطان کے ہمراہ پریس بریفنگ کے دوران اسد عمر نے کہا کہ کورونا مریضوں کی تعداد میں تیزی سے اضافہ ہورہا ہے، لوگوں کی صحت کے ساتھ روزگار کا خیال بھی ہماری ذمہ داری ہے، ہمیں احساس ہے کہ بندشوں سے عام آدمی پر بہت اثر پڑتا ہے، اس حوالے سے وزیراعظم کی منظوری سے کچھ فیصلے کیے ہیں۔ 

مزید پڑھیں : چینی سائنسدانوں کا ڈیلٹا وائرس سے متعلق بڑا دعوی

مزید پڑھیں : وزیراعظم ہاؤس کو یونیورسٹی بنانے کی بجائے آمدن کا ذریعہ بنانے کا فیصلہ

این سی او سی کی جانب سے لگائی گئی نئی پابندیوں کے تحت مارکیٹیں 8 بجے تک کھلیں گی،ان ڈور ڈائننگ بند رہے گی، آؤٹ ڈور ڈائننگ کی اجازت ہوگی، ریسٹورنٹس میں ڈلیوری اور ٹیک اوے کی سہولت موجود رہے گی۔ جبکہ ہفتے میں دو دن کاروبار بند رہیں گے۔ مارکیٹوں میں چھٹی کس روز کرنی ہے یہ فیصلہ صوبے کریں گے، پبلک ٹرانسپورٹ کو دوبارہ 70 فیصد سے 50 فیصد پر لے کر آرہے ہیں، دفاترمیں بھی 50 فیصدعملہ کام کرے گا۔ ملک بھر میں کل سے بازار آٹھ بجے تک کھلیں گے۔

فیصلےکا اطلاق راولپنڈی ، لاہور ، فیصل آباد ، ملتان پر ہوگا جبکہ پابندیوں کا اطلاق 3 اگست سے 31 اگست تک ہوگا۔