بنگلادیش کیخلاف پہلے ٹیسٹ میچ میں سلو اوور ریٹ پر پاکستان ٹیم جرمانہ عائد

دبئی:بنگلہ دیش کے خلاف پہلے  ٹیسٹ میں شکست کے بعد پاکستانی کرکٹ ٹیم کی مشکلات میں مزید اضافہ ہو گیا ہے۔

تفصیلات کے مطابق انٹرنیشنل کرکٹ کونسل (آئی سی سی) نے سلو اوور ریٹ کی پاداش میں قومی ٹیم پر بھاری جرمانہ عائد کر دیا،آئی سی سی کے میچ ریفری نے مقررہ وقت میں اوورز کی تعداد کم ہونے پر پاکستانی کھلاڑیوں پر میچ فیس کا 40 فیصد جرمانہ عائد کیا ہے۔

آئی سی سی کی جانب سے جاری بیان کے مطابق پاکستانی ٹیم نے مقررہ وقت کے دوران 8 اوورز کم کیے تھے جس کی سزا کے طور پر نہ صرف مالی جرمانہ عائد کیا گیا بلکہ ورلڈ ٹیسٹ چیمپئن شپ (ڈبلیو ٹی سی) کے پوائنٹس ٹیبل پر بھی پاکستان کو بڑا دھچکا لگا ہے۔

سلو اوور ریٹ پر پاکستان ٹیم نے آئی سی سی ٹیسٹ چیمپئن شپ کے 8 پوائنٹس بھی کھو دیے، ایک اوور کی کمی پر ایک پوائنٹ کی کٹوتی ہوئی ہے۔

پاکستان ٹیم کا بنگلا دیش کے خلاف میرپور ڈھاکا ٹیسٹ میں سلو اوور ریٹ رہا۔آئی سی سی کے مطابق پاکستان ٹیم نے ٹارگٹ سے 8 اوورز کم کیے۔

خیال رہے کہ پہلے ٹیسٹ میچ میں بنگلا دیش نے پاکستان ٹیم کو 104 رنز سے شکست دی تھی،پاکستان اور بنگلا دیش کی ٹیموں کے درمیان دوسرا ٹیسٹ میچ کل سے سلہٹ میں شروع ہو گا، 2 ٹیسٹ میچز کی سیریز میں بنگلا دیش کو ایک صفر سے برتری حاصل ہے