کوئٹہ میں معروف ٹک ٹاکر حنا گل پر حملہ ، ملزم فرار

نجی ٹی وی کے مطابق حنا گل کا شمار کوئٹہ کی مشہور ٹک ٹاکرز ہوتا ہے ان کے اس وقت چھ لاکھ سے زائد فالوورز ہیں۔ وہ پیشے کے اعتبار سے ایک بیوٹیشن ہیں اور ٹک ٹاک پر اپنی ویڈیوز اپلوڈ کرتی رہتی ہیں۔

نجی ٹی وی سے بات کرتے ہوئے حنا گل کا کہناتھاکہ ملزم لمبے عرصے سے تنگ کررہا تھا ۔ اور دوستی کرنے پر بضدتھا، تاہم میں نے انکار کیا تو اس نے انتہائی قدم اٹھایا ہے ۔

ملزم مجھے اس سے پہلے بھی دھمکیاں دے چکا ہے ۔ گزشتہ روز جب میں پارلر سے گھر جارہی تھی تو ملزم نے ساتھیوں کی مدد سے مجھے اپنی گاڑی میں بیٹھانے کی کوشش میں جب مزاہمت کی تو ملزم نے خنجر سے وار کردیا جس کے بعد میں زخمی ہوگئی ۔

ملزم مجھے زخمی حالت میں چھوڑ کر فرار ہوگیا ، جس کے بعد ایک رکشہ ڈرائیور نے مجھے ہسپتال پہنچایا ، دوسری جانب پولیس نے واقعہ کا مقدمہ درج کرکے ملزم کی تلاش شروع کردی ہے ۔