پاکستان نے یومیہ 10لاکھ ویکسین لگانے کا ہدف عبور کرلیا : اسد عمر

تفصیلات کے مطابق سماجی رابطے کی ویب سائٹ ٹوئٹرپر وفاقی وزیر اور سربراہ این سی او سی اسد عمر نے   اپنے پیغام میں کہا ہے کہ گزشتہ روز 10 لاکھ 72 ہزار افراد کو ویکسین لگائی گئی، وفاق کی تمام اکائیوں نے ویکسین لگانے میں اہم کردار ادا کیا۔ انہوں نے کہاکہ پنجاب، سندھ، کے پی اور اسلام آباد میں ریکارڈ ویکسین لگائی گئی ہے ، وفاقی وزیر نے  مزید کہاکہ سب کی طرف سے ویکسین لگانے میں شاندار کارکردگی کا مظاہرہ کیا گیا۔

Happy to report that the target we had set for 1 million vaccinations in a day was crossed yesterday with 10 lakh 72 thousand vaccinations. All federating entities contributed with punjab, sind, kp and Islamabad all doing record numbers. Amazing performance by all involved

— Asad Umar (@Asad_Umar) August 3, 2021

یاد رہے کہ پاکستان میں اس وقت انسداد کورونا کی چینی ویکسین کے علاوہ ایسٹرازینیکا ، ، کینسینو  اور فائزر بھی استعمال کی جارہی ہے۔  ملک بھر  میں40 سال سے زائد عمر افراد کی ویکسینیشن کا آغاز3 مئی سےہوا تھا ۔

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے  مزید 67افراد چل بسے ۔ ملک میں  اموات کی مجموعی تعداد23 ہزار529ہوگئی ہے،جبکہ  متاثرہ افراد کی مجموعی تعداد 10لاکھ43ہزار277ہوگئی ہے ۔ ملک میں کورونا  مثبت کیسز کی شرح 7.19 فیصد رہی ۔