Advertisement
پاکستان

پاکستان نے یومیہ 10لاکھ ویکسین لگانے کا ہدف عبور کرلیا : اسد عمر

اسلام آباد : وفاقی وزیر برائے منصوبہ بندی اوراین سی اوسی سربراہ اسد عمر نے عالمی وبا کورونا وائرس سے بچاؤ کی ویکسین سے متعلق کہا ہے کہ خوشی ہے کہ یومیہ 10 لاکھ ویکسین لگانے کا ہدف عبور کرلیا ہے۔

GNN Web Desk
شائع شدہ 4 years ago پر Aug 4th 2021, 4:41 am
ویب ڈیسک کے ذریعے

تفصیلات کے مطابق سماجی رابطے کی ویب سائٹ ٹوئٹرپر وفاقی وزیر اور سربراہ این سی او سی اسد عمر نے   اپنے پیغام میں کہا ہے کہ گزشتہ روز 10 لاکھ 72 ہزار افراد کو ویکسین لگائی گئی، وفاق کی تمام اکائیوں نے ویکسین لگانے میں اہم کردار ادا کیا۔ انہوں نے کہاکہ پنجاب، سندھ، کے پی اور اسلام آباد میں ریکارڈ ویکسین لگائی گئی ہے ، وفاقی وزیر نے  مزید کہاکہ سب کی طرف سے ویکسین لگانے میں شاندار کارکردگی کا مظاہرہ کیا گیا۔

یاد رہے کہ پاکستان میں اس وقت انسداد کورونا کی چینی ویکسین کے علاوہ ایسٹرازینیکا ، ، کینسینو  اور فائزر بھی استعمال کی جارہی ہے۔  ملک بھر  میں40 سال سے زائد عمر افراد کی ویکسینیشن کا آغاز3 مئی سےہوا تھا ۔

واضح رہے کہ نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں گزشتہ 24 گھنٹوں میں کورونا سے  مزید 67افراد چل بسے ۔ ملک میں  اموات کی مجموعی تعداد23 ہزار529ہوگئی ہے،جبکہ  متاثرہ افراد کی مجموعی تعداد 10لاکھ43ہزار277ہوگئی ہے ۔ ملک میں کورونا  مثبت کیسز کی شرح 7.19 فیصد رہی ۔

Advertisement