شہباز شریف ایک بار پھر نیب کے ریڈار پرآگئے

تفصیلات کے مطابق  اپوزیشن لیڈر شہباز شریف ایک بار پھر نیب کے ریڈار پر آگئے ہیں ، ذرائع کے مطابق  شہباز شریف کیخلاف نیب میں  سرکاری زمین ٹرانسفر کرنے پر نئی انکوائری شروع  کردی گئی ہے،بہاولپور سیٹلائٹ ٹاؤن میں سرکاری زمین من پسند افراد کو  ٹرانسفر  کرنے کا الزام ہے۔

 ذرائع کا کہنا ہے کہ  نیب ایگزیکٹو بورڈ نے  انکوائری کی منظوری دے دی ہے۔شہبازشریف نےبطور  وزیراعلی پنجاب عہدہ کا ناجائز استعمال کرکے سرکاری زمین ٹرانسفر کرائی۔ سابق رکن قومی اسمبلی بلیغ الرحمان اور سابق کمشنر عاطف کے خلاف بھی انکوائری شروع ہوگئی ہے۔