مسئلہ کشمیر کشمیری عوام کی امنگوں اور اقوام متحدہ کی قرار دادوں کے مطابق حل ہونا چاہیے:آرمی چیف

تفصیلات کے مطابق  آرمی چیف جنرل قمر جاوید باجوہ نے یوم استحصال کشمیر پر کشمیریوں سے یکجہتی کا اظہار کرتے ہوئے کہا کہ کشمیر کے حل سے ہی خطے میں امن اور استحکام آ سکتا ہے، مقبوضہ کشمیر میں بدترین ریاستی جبر جاری ہے۔انہوں نے کہا کہ  مقبوضہ کشمیر میں بھارتی فوج کا غیر انسانی محاصرہ جاری ہے، مقبوضہ کشمیر میں آبادی کا تناسب تبدیل کرنے کی کوشش کی جارہی ہے ۔آرمی چیف نے مزید کہا کہ مقبوضہ کشمیر میں انسانی حقوق اور  بین الاقوامی  قوانین کی  سنگین خلاف ورزیاں  کی جا رہی ہیں، مقبوضہ کشمیر  میں سلامتی کا بحران علاقائی سلامتی کیلئے خطرہ ہے۔

...Resolution of #Kashmir dispute as per #UN Resolutions and aspirations of Kashmiri people is imperative for enduring peace and stability in the region”#COAS. (2/2)

— DG ISPR (@OfficialDGISPR) August 5, 2021

خیال رہے کہ بھارت کی جانب سے مقبوضہ کشمیر میں لگائے گئے کرفیو کو 2 سال مکمل ہوگئے ہیں ،  حکومت پاکستان نے اس روز یعنی 5 اگست کو یوم استحصال کشمیر کے طور پر منانے کا فیصلہ کیا ہے ۔

واضح رہے کہ 5 اگست کو مودی سرکار نے کشمیر کو خصوصی حیثیت دینے والے بھارتی آئین کے آرٹیکل 370 اے کو ختم کر کے مقبوضہ وادی میں کرفیو نافذ کر دیا تھا اور بھارت نے کشمیریوں کی نقل وحرکت پر پابندی عائد کر رکھی ہے۔یکم نومبر سے بھارتی شہریوں کو مقبوضہ کشمیر میں جائیداد خریدنے اور وہاں رہنے کا حق بھی حاصل ہو گیا ہے۔مودی سرکار نے غیر معینہ مدت کے لیے کشمیر میں کرفیو لگا کر ظلم و ستم کی انتہا  کردی ہے  ۔