پنجاب کابینہ میں بڑی اکھاڑ پچھاڑ کا فیصلہ

ذرائع کے مطابق پنجاب کابینہ میں بڑی اکھاڑ پچھاڑ کا فیصلہ کیا گیا ہے، معاون خصوصی فردوس عاشق اعوان کو وفاق میں شامل کرنے کا فیصلہ  کیا گیا ہے۔فردوس عاشق اعوان کو وفاق میں کیا عہدہ ملے گا وزیر اعظم فیصلہ کریں گے۔اگلے چند روز میں حتمی اعلان سامنے آجائے گا ۔ذرائع ایوان وزیر اعلی ٰ کے مطابق وزیر جیل خانہ جات فیاض الحسن چوہان کو وزارت اطلاعات واپس دی جائے گی۔

مزید پڑھیں :  فردوس عاشق اعوان نے استعفی دے دیا

مزید پڑھیں : استعفے طلب کیے گئے تو ہم بھی تیار ہیں ، ترین گروپ کا ردعمل

ممبر پنجاب اسمبلی اسد کھوکھر کو ایک بار پھر وزیر بنادیا گیا ہے،  وزیر اعلی نے اسد کھوکھر کی وزارت کا نوٹیفکیشن جاری کردیا۔اسد کھوکھر کو کون سا محکمہ دیا جائے گا ۔ وزیر اعلی جلد فیصلہ کریں گے ۔

خیال رہے کہ  19  جولائی 2020 کو  وزیراعلیٰ ہاؤس پنجاب کے ذرائع کا کہنا تھا  کہ اسد کھوکھر سے وزارت جنگلی حیات کا قلمدان واپس لے کر انہیں پنجاب کابینہ سے فارغ کردیا گیا ہے۔

اسد کھوکھر 2018 میں لاہور سے مسلم لیگ (ن) کے رہنما خواجہ سعد رفیق کی چھوڑی گئی صوبائی اسمبلی کی نشست پی پی 168 سے ضمنی انتخاب میں کامیاب ہوئے تھے۔