استعفے طلب کیے گئے تو ہم بھی تیار ہیں ، ترین گروپ کا ردعمل

تفصیلات  کے مطابق پاکستان تحریک انصاف کے رہنما اور ترین گروپ کے راجہ ریاض نے  کہا ہے کہ ہم سے بھی  استعفے طلب کیے گئے تو ہم بھی تیار ہیں۔ہم سے بھی استعفے مانگے تو دے دیں گے لیکن جہانگیر ترین کو نہیں چھوڑیں گے۔

مزید پڑھیں : فردوس عاشق اعوان نے استعفی دے دیا

مزید پڑھیں : پنجاب کابینہ میں بڑی اکھاڑ پچھاڑ کا فیصلہ

 راجہ ریاض  نے کہا کہ  آئندہ چند روز میں مشترکہ فیصلہ کریں گے ۔  دباو ڈال کر استعفے لینے سے پارٹی کو نقصان پہنچ سکتا ہے ۔

خیال رہے کہ  اس سے قبل  معاون خصوصی وزیراعلی ٰ پنجاب برائے سیاسی امور عون چوہدری نے استعفیٰ  دیدیا تھا، عون چوہدری جہانگیر ترین گروپ کے متحرک رہنما رہے ہیں ۔

اس حوالے سے عون چوہدری کاکہنا تھا کہ مجھے وزیراعلیٰ آفس سے  کہا گیا جہانگیر ترین کی حمایت چھوڑ دو یا استعفیٰ دو، جہانگیر ترین کی پارٹی کے لیے خدمات کو ہر کوئی جانتا ہے ۔ پارٹی کے لیے بے لوث خدمات سر انجام دینے والے شخص کو نہیں چھوڑ سکتا۔  عون چودھری  نے مزید کہا ہے کہ مشیر وزیراعلیٰ کے عہدے پر جہانگیر ترین کے ساتھ کھڑے ہونے کو ترجیح دوں گا۔