ملک میں 10 نئے ڈیمز بنانے جارہے ہیں : وزیراعظم

تفصیلات کے مطابق وزیراعظم عمران خان ن  تربیلا ڈیم کے پانچویں توسیعی منصوبے کا سنگ بنیاد رکھنے کی تقریب سے خطاب کرتے ہوئے کہا کہ کوشش ہوگی کہ 2030 تک  حکومت سولر اور ہائیڈرو پاور سے بجلی بنائی جائے ۔   ڈیموں سے سستی بجلی بھی بنے گی اور پانی کی قلت کا مسئلہ بھی حل ہو گا۔ آبادی کے بڑھنے کی وجہ سے پانی کی بھی کمی آرہی ہے، دریاؤں کا سارا پانی صرف 3 سے 4 ماہ میں آتا ہے،  ہم اس کا ذخیرہ کریں گے تو عوام کو پانی پہنچاسکیں گے۔

ان کاکہنا تھا کہ  ماحولیاتی تبدیلی کا مسئلہ پوری دنیا کو درپیش ہے، گلوبل وارمنگ کی وجہ سے اب ایسے مقامات پر بھی آگ لگ رہی ہے جو تاریخ میں کبھی نہیں دیکھے گئے۔سروے میں بتایا گیا  کہ دنیا کا موسم تیزی سے گرم ہو رہا ہے، مستقبل میں مسائل کا سامنا ہو گا، سیلاب ایسے آ  رہے ہیں جو پہلے کبھی نہیں  آئے تھے ۔ دنیا میں سب سے زیادہ درجہ حرارت جیکب آباد میں ریکارڈ کیا گیا'۔ان کا کہنا تھا کہ 'ان وجوہات کو مدنظر رکھتے ہوئے ضروری ہے کہ ہم ایسی بجلی بنائیں کہ جس سے ماحولیات  پر اثرات نہ پڑیں۔

وزیراعظم  نے مزید کہا کہ ٹنل فائیو کیوجہ سے تربیلا ڈیم کی زندگی طویل ہو جائے گی،  داسو اور بھاشا ڈیم کا وقت پر بننا ضروری ہے، افسوس ہوتا ہے کہ پہلے ان چیزوں کا نہیں سوچا، 1984 میں بھاشا ڈیم بنانے کا فیصلہ ہوا تھا، جو لوگ حکومتوں میں آئے  انھوں نے پانچ سال الیکشن کا سوچا، پاکستان میں صرف الیکشن ٹو الیکشن کی پلاننگ کی گئی، اگر پانی پر ہی بجلی بناتے تو سستی بجلی ملتی۔ وزیراعظم نے بتایا کہ کپیسٹی چارجز کیوجہ سے لوگوں کو مہنگی بجلی ملتی  ہے ، صنعتوں کو مہنگی بجلی ملتی ہے اس لیے وہ عالمی مارکیٹ میں مقابلہ نہیں کر پاتے۔

انہوں نے کہا کہ 2025 میں مہند ڈیم تیار ہوجائے گی، 2028 میں بھاشا ڈیم تیار ہوجائے گی اور اس طرح آہستہ آہستہ ہم آنے والی نسلوں کا مستقبل کو تحفظ فراہم کرسکیں گے۔