طالبان کا مزار شریف پر بھی قبضہ، جنرل رشید دوستم فرار

افغان میڈیا کے مطابق جنرل عبدالرشید دوستم ازبکستان فرار ہوگئے ہیں ۔ طالبان کے کابل شہر کے قریب پہنچتے ہی شہر میں افراتفری پیدا ہوگئی ہے ۔ کابل میں لوگوں نے بینکوں سے رقوم نکلوانا شروع کردی ہیں ۔ جب کہ بینکوں میں کیش ختم ہوگیا ہے ۔

مزار شریف پرقبضے کے بعد طالبان تقریباََ پورے شمالی افغانستان پر قابض ہوچکے ہیں ۔ دوسری جانب افغان حکومت نے ملک کی بگڑتی ہوئی صورتحال کو دیکھتے ہوئے طالبان سے مذاکرات کرنے کا فیصلہ کرلیا ہے ۔

صدارتی محل کی طرف سے جاری اعلامیہ میں کہا گیا ہے کہ افغان صدر اشرف غنی سیاسی اور قبائیلی رہنماؤں سے مشاورت کی ہے جس میں طے پایا ہے کہ طالبان سے مذاکرات جاری رکھے جائیں ۔

افغان صدر اشرف غنی نے طالبان سے بات چیت کے لیے مذاکراتی کمیٹی  بھی تشکیل دے دی، کمیٹی سیاسی اور قبائلی رہنماوَں پر مشتمل ہوگی۔