اشرف غنی نے استعفیٰ دیدیا ، غیر ملکی میڈیا

 ذرائع کے مطابق افغان  حکومت سے اقتدار کی پرامن منتقلی پر بات چیت ہورہی ہے ۔ ملابرادر افغانستان کے نئے صدر ہونگے ۔

طالبان نے کابل میں پل چرخی جیل کا کنٹرول سنبھال لیا ۔ طالبان اپنے ساتھیوں کو نکال رہے ہیں ۔افغان طالبان کے اہم ترین لیڈر ملابرادر کابل پہنچ گئے ہیں ۔ طالبان عہدیدار کا کہنا ہے کہ غیر ملکی اہنی مرضی سے ملک چھوڑ سکتے ہیں ۔ کابل کےصدارتی محل میں افغان حکومت اور طالبان میں مذاکرات جاری ہیں ۔ 

ترجمان طالبان کا کہنا ہے کہ کابل کو طاقت یا جنگ سے نہیں جیتیں گے ۔ کسی سے انتقام کا کوئی ارادہ نہیں ہے ۔ ننگر ہار ، جلال آباد میں طالبان کا پرچم لہرا دیا گیا ۔روس نے کابل سے اپنے سفارتی عملے کو واپس نہ بلانے کا اعلان کردیا ، فی الحال واپس بلوانے کی کوئی ضرورت نہیں ۔ 

افغان معاہدے میں عبداللہ عبداللہ ثا لث کا کردار ادا کررہے ہیں ۔ بگرام جیل پر بھی قبضہ کرلیا گیا ہے ، معمولی جرائم میں ملوث قیدی رہا کیے جارہے ہیں ۔ 

 دوحہ میں ایک طالبان رہنما نے کہا ہے کہ طالبان قیادت نے دارالحکومت میں داخل ہونے والے اپنے جنگجوؤں کو حکم دیا ہے کہ وہ تشدد سے گریز کریں، جو کسی دوسری جگہ جانے کے لیے محفوظ راستہ طلب کرے، اسے جانے دیا جائے اور خواتین کو محفوظ مقامات تک جانے کی اجازت دی جائے۔

طالبان کی طرف سے جاری ہونے والے بیان میں کہا گیا ہے کہ وہ ’طاقت کی بنیاد‘ پر کابل پر قبضہ نہیں کرنا چاہتے۔

                                                                                                                                                                       افغان دارالحکومت کابل میں امریکی سفارت خانے کے کمپاؤنڈ میں ہیلی کاپٹر لینڈ کرتے دیکھے جا سکتے ہیں جبکہ عملہ خصوصی گاڑیوں کے ذریعے سفارت خانے سے نکل رہا ہے۔ سفارت خانے سے دھواں اٹھتا بھی دیکھا گیا ہے۔ اس سے پہلے امریکی حکام نے کہا تھا کہ حساس مواد جلانے کا عمل شروع کر دیا گیا ہے۔

 امریکا کی طرف سے یہ پیش رفت ایک ایسے وقت میں دیکھنے میں آئی ہے، جب افغان طالبان نے ملک کے آخری بڑے شہر جلال آباد پر بھی قبضہ کر لیا ہے۔ اس طرح افغان حکومت صرف کابل تک ہی محدود ہو کر رہ گئی ہے جبکہ دارالحکومت کے ارد گرد طالبان گھیرا تنگ کرتے جا رہے ہیں۔