بھارت افغانستان میں ترقیاتی منصوبے مکمل کرے ، ترجمان طالبان

انہوں نے واضح طور پر کہا ہے کہ اگرامریکہ ہمیں تسلیم نہیں کرتا ہےتواس کے معنی یہ ہوں گے کہ وہ افغانوں کی خواہشات کا احترام نہیں کرتا ہے ۔

نجی ٹی وی کے ساتھ گفتگو کرتےہوئے ان کا کہناتھاکہ گزشتہ تین ماہ سے سے بغیر لڑائی کے اضلاع ہمارے کنٹرول میں آرہے تھے ، ہم پر امید تھے کہ کابل پر قبضہ کرلیں گے لیکن یہ نہیں معلوم تھا کہ یہ اتنی جلدی ہوجائیگا۔ یہ خلاف توقع ہوا ہے ۔ انہوں نے کہا کہ افغان عوام کو پریشان نہیں ہونا چاہیے ، تعجب ہوا کہ لوگ جہازوں پر چڑھ رہے ہیں ۔

سابقہ انتظامیہ کے جو لوگ پریشان ہیں وہ پر سکون رہیں ، انہوں نے کہا کہ لڑکیوں کو تعلیم کے حق سے محروم نہیں رکھا جائیگا۔