افغانستان میں اپنے مشن کامیاب رہے ، بائیڈن

امریکی صدر جوبائیڈن نے افغانستان میں طالبان کی فتح کے بعد قوم سے پہلے خطاب میں کا ، امریکی فوج کی واپسی کے فیصلے پر کوئی پچھتاوا نہیں ہے ۔ جانتا ہوں اس فیصلے کی وجہ سے تنقید کا نشانہ بنوں گا۔

افغانستان کو تبدیل کرنا ہمارا مشن نہیں تھا، ہمارا اصل مقصد القاعدہ کا خاتمہ اور اسامہ کو پکڑناتھا ، ہم اس میں کامیاب رہے ۔

امریکی صدر کا کہنا تھا کہ انخلا مکمل ہونے پر امریکہ کی طویل ترین جنگ کا خاتمہ ہوجائیگا۔ اگر انخلا روکنے کی کوشش کی گئی تو سخت جواب دیں گے ۔

انہوں نے کہا کہ طالبان سے معاہدہ سابق صدر ٹرمپ نے کیا تھا ، افغان جنگ میں مزید امریکی نسلیں نہیں جھونکے سکتے ۔ ہم نے اپنا سفارتخانہ بند کردیا ہےاور عملے کو واپس بلا لیا ہے ، ضرورت پڑی تو افغانستان میں دہشتگردی کے خلاف فوری ایکشن لیں گے ۔

امریکی صدر جوبائیڈں کا کہنا ہے کہ افغان حکومت کا تیزی سے خاتمہ حیرت کی بات تھی ۔ افغان فورسز اگر لڑنا نہیں چاہتیں تھیں تو اس میں امریکا کچھ نہیں کرسکتا ۔