طالبان جنگ جیت چکے ہیں ہمیں ان سے بات کرنا پڑے گی: یورپی یونین

تفصیلات کے مطابق یورپی یونین کی خارجہ پالیسی کے سربراہ جوزف بورل کا کہنا ہےکہ طالبان رہنماؤں سے معاملات واضح نہ ہونے تک افغانستان کی ترقیاتی امداد معطل رہے گی تاہم افغان عوام کےلیے انسانی بنیادوں پر امداد جاری رہےگی۔

جوزف بورل نےکہا ہےکہ طالبان حکومت کو تسلیم نہ کریں پھر بھی افغان عوام کے لیے طالبان سے بات کرنا پڑے گی ۔

انہوں نے طالبان پر زور دیا کہ وہ  انسانی حقوق کا احترام کریں اور  افغان عورتوں کوخاص طورپر تحفظ دیاجائے۔

ان کا مزید کہنا تھا کہ ہم سے افغان فوج کی طالبان سے لڑنے کی صلاحیت جانچنے میں غلطی ہوئی  ہے۔