حساس اشوز پر سیاست کرنا اور پروپیگنڈا ن لیگ کا ملکی سلامتی سے کھلواڑ ہے، ڈاکٹر شہباز گِل

شہباز گِل کا مریم صفدر کے بیان پر ردعمل دیتے ہو ئے کہنا تھا کہ   دردمندی کا ڈھونگ رچانے والی چالباز محترمہ نے اپنے والد سے کبھی کیوں سوال نہ کیا؟ یہ ہمدردی اپنے دورِ حکومت میں کیوں نہ دکھائی؟،محترمہ کے دل میں سانحہِ ماڈل ٹاؤن کے شہید بے گناہوں کیلئے بھی یہ درد جاگا کبھی؟، کبھی سانحہ ماڈل ٹاؤن شہیدوں کے گھروں میں بھی چلی جائیں، ان کے بچے آج بھی سو نہیں پا رہے۔

 ڈاکٹر شہباز گِل نے کہا کہ  حساس اشوز پر سیاست کرنا اور پروپیگنڈا ن لیگ کا ملکی سلامتی سے کھلواڑ ہے،کیلبری کوئین کی سیاسی شعبدہ بازی عالمی دنیا میں پاکستان کے امیج کو متاثر کر رہی ہے،ملک دشمنوں کے ایجنڈے کا پرچار کرنے والے کم ظرفوں کو اللّٰہ ہدایت دے، گھٹیا سیاست چمکانے کیلئے کرپٹ کردار سلامتی اداروں پر ہرزہ سرائی کر رہے ہیں،مفاد پرست ٹولہ مذہب مسلک علاقائی لسانی مظلومیت ہمددری کارڈز استعمال کر رہے ہیں۔