کاروباری طبقے کو آسانیاں  دے کر ملکی برآمدات  میں فروغ اولین ترجیح ہے، وزیراعظم

پاکستان پراپرٹی،ہاؤسنگ اور کنسٹرکشن پر نمائش کی تقریب سے خطاب کرتے ہوئے وزیر اعظم عمران خان نے کہا کہ  اب بینک لوگوں کوہاؤس فنانس کیلئے پیسے دیں گے،  دیہاڑی دار لوگوں کو موقع ہی نہیں ملا کہ اپنا گھر بنا سکیں،پاکستان میں تمام را مٹیریل   موجود ہے،  پاکستان میں گھروں کی ضرورت ہےماضی میں غریب طبقے کو گھر دینے کےلئے کسی نے نہیں سوچا۔

وزیراعظم عمران خان نے کہا کہ  تعمیراتی شعبے میں تیزی سے ترقی ہورہی ہے، کورونا کےد وران آئی ایم ایف کو فون کرکے کنسٹرکشن سیکٹر کیلئے رعایت لی، کنسٹرکشن سیکٹر میں سب سے زیادہ روزگار کے مواقع ہوتے ہیں،ایف بی آر میں  اصلاحات لانے کی کوشش کررہے ہیں، ہاؤسنگ سیکٹرکی ہرممکن مدد کریں گے۔

وزیراعظم  کا کہنا تھا کہ نیا پاکستان ایک جدوجہد کا نام ہے،ہماری کوشش غریب طبقے کو اوپر اٹھانا ہے،تعمیراتی شعبے میں تیزی سے ترقی ہورہی ہے،ماضی میں  کسی نے ایکسپورٹ بڑھانے کا نہیں  سوچا، کاروباری طبقے کو آسانیاں  دے کر ملکی برآمدات  میں فروغ اولین ترجیح ہے، ہماراسسٹم ایسا ہوگیا ہے کہ سہولت  کے بجائے رکاوٹیں  ڈالی جاتی ہیں۔