نیوزی لینڈ : سپر مارکیٹ میں  چاقو سے  حملہ، متعدد افراد زخمی، حملہ آور ہلاک

غیر ملکی خبر رساں ادارے کے مطابق  پولیس نے بتایا کہ حملہ آور نے سپر مارکیٹ میں گھستے ہی چاقو سے حملہ شروع کردیا۔ پولیس کی فائرنگ سے حملہ آور بھی مارا گیا ۔پولیس نے حملے کی تحقیقات کا آغاز کر دیا ہے۔

آکلینڈ حملے پر نیوزی لینڈ کی وزیراعظم جیسنڈا آرڈرن نےپریس بریفنگ میں بتایاکہ سپر مارکیٹ حملہ دہشت گردی  ہے۔انتہا پسند نے "دہشت گردانہ حملہ" کیا،حملہ آورسری لنکن شہری  تھاحملہ شروع ہونے کے 60 سیکنڈ کے اندر حملہ آور مارا گیا۔انہوں نےکہاکہ سری لنکن حملہ آور  داعش نظریات کا حامی تھا۔

نیوزی لینڈ 15 مارچ 2019 کو کرائسٹ چرچ شہر کی دو مساجد میں ایک سفید فام  دہشت گرد کے حملے کے بعد الرٹ پر تھا ، جس میں  51 افراد ہلاک ہوگئے تھے ۔رواں سال مئی میں ، نیوزی لینڈ کے جنوبی جزیرے  ڈونیڈن  کی  ایک سپر مارکیٹ میں چاقو سے   چار افراد پر حملہ کیا گیا تھا ۔