امریکی محکمہ خارجہ کا طالبان کی عبوری حکومت پر تشویش کااظہار

ترجمان امریکی محکمہ خارجہ نے طالبان کی عبوری حکوتم کےا علان پر اظہار تشویش کرتے ہوئے کہا ہے کہ اعلان کردہ ناموں کی فہرست صرف ان افراد پر مشتمل ہے جو طالبان کے رکن یا ان کے قریبی ساتھی ہیں جبکہ کسی خاتون کانام شامل نہیں ہے ۔

محکمہ خارجہ کے ترجمان کا کہنا تھاکہ کابینہ کے کچھ افراد کی وابستگیوں اور ٹریک ریکارڈ کی وجہ سے بھی فکرمند ہیں ، امید ہے طالبان افغان سرزمین دوسرے ممالک کے خلاف استعمال نہیں ہونے دیں گے ۔  ترجمان امریکہ محکمہ خارجہ نیڈ پرائس نے کہا ہے کہ طالبان نے ابھی نگراں کابینہ کا اعلان کیا ہے طالبان کو ان کی باتوں سے نہیں ان کے اقدامات سے پرکھیں گے ۔

امریکی صدر جوبائیڈن کا کہنا ہے کہ طالبان حکومت تسلیم کرنا بہت آگے کی بات ہے ، جبکہ روس کے وزیرخارجہ سرگئی لاروف کا کہن اہے کہ طالبان حکومت میں سب کی نمائندگی ہوگی تو اس کو تسلیم کرلیں گے ۔