بھارتی کرکٹر شیکھر دھون اورانکی اہلیہ میں   طلاق ہوگئی

بھارتی میڈیا کے مطابق شیکھر دھون کی اہلیہ عائشہ مکھر جی  نے فوٹو اینڈ ویڈیو شئیرنگ ایپ  انسٹاگرام پر ایک طویل  پوسٹ میں طلاق کا اعلان کیا ہے۔ انہوں نے اپنی پوسٹ میں  لکھا کہ وہ طلاق کو اس وقت تک ایک برا لفظ سمجھتی رہیں جب تک انہیں دوسری بار طلاق نہیں ہوگئی ۔ ان کا کہنا تھا کہ وہ میں ہمیشہ سے اس لفظ سے خوفزدہ رہی ہیں ۔

ان دونوں کی جوڑی کو بھارتی کرکٹ برادری میں بے حد سراہا جاتا تھا اور ایسا خیال کیا جاتا تھاکہ وہ دونوں ایک دوسرے کیلئے ہی بنے ہیں تاہم ایک طویل عرصہ ساتھ گزارنے کے بعد اب دونوں نے ایک دوسرے سے علیحدگی کا فیصلہ کیا ہے ۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Aesha Mukerji (@apwithaesha)

واضح رہے کہ  عائشہ  مکھرجی اور شکھر دھون کی شادی 2012 میں ہوئی تھی اور ان کا ایک بیٹا بھی ہے ۔

خیال رہے کہ اس سے قبل  عائشہ کی آسٹریلیا میں ایک کاروباری شخصیت سے شادی ہوئی تھی جس سے ان کی دو بیٹیاں پیدا ہوئی تھیں۔ انہوں  نے اپنے پہلے شوہر سے طلاق لینے کے بعد شیکھر دھون سے شادی کی تھی۔

دوسری جانب شیکھر دھون کو آخری بار جولائی میں سری لنکا دورے کے دوران نوجوان  بھارتی ٹیم کی قیادت کرتے ہوئے گراؤنڈ میں دیکھا گیا تھا۔ انہوں نے سری لنکا میں چھ وائٹ بال  میچوں کے لیے ہندوستانی ٹیم  کی کپتانی کی۔  شیکھر دھون اس وقت بھارت کے ٹی 20 ورلڈ کپ اسکواڈ میں جگہ بنانے  پر نظر رکھے ہوئے ہیں  جس کا اعلان  کل ہوگا ۔