یورپی یونین کی سفیر کی جی ایچ کیو میں آرمی چیف سے ملاقات ،  افغانستان کی تازہ صورتحال پر گفتگو

پاک فوج کے شعبہ تعلقات عامہ (آئی ایس پی آر ) کا کہنا ہے کہ  پاکستان میں یورپی یونین کی سفیر اندرولا کامینارا کی جی ایچ کیو میں آرمی چیف  قمر جاوید باجوہ سے ملاقات ہوئی ہے،ملاقات میں باہمی دلچسپی کے امور،  افغانستان کی تازہ صورتحال، علاقائی سلامتی اور باہمی تعاون پر بات چیت ہوئی۔

آرمی چیف جنرل قمر جاوید باجوہ نے کہا کہ  پاکستان یورپی یونین ممالک کے کے ساتھ اپنے تعلقات جو قدر کی نگاہ سے دیکھتا ہے،  یورپی یونین کے ساتھ باہمی طور پر فائدہ مند تعلقات کو مزید مستحکم کرنا چاہتے ہیں۔
آئی ایس پی آر کے مطابق  یورپی یونین کی سفیر نے خاص طور پر غیر ملکیوں  کے انخلاء  اور علاقائی سلامتی کے لیے پاکستان کے کردار کی تعریف کی ہے،سفیر ابدرولا کامینارا نے پاکستان کے ہر سطح پر یورپی یونین کے تعلقات کی بہتری میں  تعاون کا یقین دلایا ہے۔