گور نرپنجاب سے چیئرمین سینیٹ اوراپوزیشن سینیٹرزکی ملاقات

تفصیلات کے مطابق گور نر پنجاب،چیئر مین سینیٹ اور اپوزیشن سینیٹرز کی کشمیر یوں پر جاری بھارتی دہشت گردی کی شدید مذمت جبکہ چیئرمین سینٹ نے بلوچستان میں پینے کے صاف پانی اور صحت کی سہولتوں  پرگورنر پبجاب کے اقدامات کو سراہاہے۔

چیئر مین سینٹ کا کہنا ہے کہ پارلیمنٹ،جمہوریت کی مضبوطی کیلئےتمام سیاسی اورمذہبی جماعتوں کوکردار اداکرنا چاہئے،جمہوریت ،پار لیمنٹ کی مضبوطی سے ہی پاکستان مضبوط ہوگا ،مسائل حل ہوں گے۔

گورنرپنجاب کا کہنا ہے کہ یہ وقت ذاتی اور سیاسی نہیں ملکی اور قومی مفادات کے تحفظ کر نے کا ہے،انتخابی اصلاحات حکومت اوراپوزیشن جماعتوں اور ملک وقوم کے مفادمیں ہیں۔

گورنر پنجاب نے ملاقات میں اپوزیشن جماعتوں کو انتخابی اصلاحات پر حکومت کے ساتھ بیٹھنے کا مشورہ دیاہے۔

 چوہدری محمدسرور کا کہنا تھا کہ اپوزیشن جماعتوں کو انتخابی اصلاحات کے معاملے پر حکومت کیساتھ بیٹھنا چاہیے، اپوزیشن حکومت کیخلاف سڑکوں پرآکراپنااورقوم کےوقت کاضائع کرےگی۔

ان کا مزید کہنا تھا کہ افغانستان سمیت پورے خطے میں پاکستان کا کردار ہر لحاظ سے مثالی ہے، بھارت پورے خطے میں امن دشمنوں کا سب سے بڑا سہولت کار ہے۔