نیوزی لینڈ کرکٹ ٹیم 18 سال بعد پاکستان پہنچ گئی

تفصیلات کے مطابق  کیویز کی ٹیم  ڈھاکہ سے  چارٹرڈ فلائیٹ  بی جی 4031 کے ذریعے اسلام آباد پہنچی ہے ۔ مہمان کیوی ٹیم کی سب سے پہلے ہوٹل میں کورونا ٹیسٹنگ ہوگی اور کورونا ٹیسٹ منفی آنے پر مہمان ٹیم کو پریکٹس کرنے کی اجازت ملے گی۔  1 دن ہوٹل میں قرنطینہ کرنے بعد 13 ستمبر سے ٹریننگ کا آغاز کریں گے ۔ نیوزی لینڈ کرکٹ ٹیم کا 15 ستمبر کو انٹر سکواڈ میچ شیڈول ہے۔

تین میچوں پر مشتمل ایک روزہ سیریز کا پہلا میچ 17 ستمبر کو پنڈی کرکٹ اسٹیڈیم میں کھیلا جائے گا۔

ایک روز قبل پاکستان نیوزی لینڈ سیریز کے لیے میچ آفیشلز کا تقرر کردیا گیا تھا،علیم ڈار اور احسن رضا نیوزی لینڈ سیریز میں امپائرنگ کی ذمہ داریاں ادا کریں گے۔ آصف یعقوب، فیصل آفریدی،  راشد ریاض اور شوزب رضا بھی امپائرنگ کےفرائض انجام دیں گے۔

رواں ماہ یکم ستمبر کو پی سی بی نے پاکستانی اسکواڈ کا اعلان کیا تھا،اعلان کردہ اسکواڈ میں بابراعظم (کپتان)، شاداب خان(نائب کپتان) ،عبداللہ شفیق اور   امام الحق شامل ہیں  ،حارث رؤف، حسن علی،  فخر زمان، فہیم اشرف ، خوشدل شاہ،  افتخار احمد، محمد رضوان (وکٹ کیپر) ، محمد حارث(وکٹ کیپر)،  محمد حسنین، محمد نواز،محمد وسیم جونیئر ،  سعود شکیل ، شاہین شاہ آفریدی، شاہنواز دھانی ،  عثمان قادر اور زاہد محمود  شامل ہیں۔