وزیراعظم عمران خان کو روسی صدر کا ٹیلیفون

تفصیلات کے مطابق دونوں رہنماوں کے مابین  افغانستان میں تبدیل ہوتی صورتحال اور شنگھائی تعاون تنظیم میں باہمی تعاون پر تبادلہ خیال کیا گیا۔

 وزیراعظم نے خطے کی سیکیورٹی اور خوشحالی کے لیئے افغانستان میں امن و استحکام کی اہمیت پر زور دیاہے۔

وزیراعظم  نے افغانستان کیلئے انسانی بنیادوں پرامدادکی فوری فراہمی اور  معاشی بحران سے بچاؤ کی ضرورت پر زور دیا اور کہا کہ اس نازک مرحلے پر افغان عوام کو تنہا نہیں چھوڑنا چاہیے۔

وزیراعظم  نے مختلف شعبوں میں پاک روس تعاون بڑھانے پر زور دیا اور ساتھ ہی دونوں ممالک کے درمیان تعلقات مزید بڑھانے کے عزم کا اعادہ کیاہے۔

وزیراعظم عمران خان کا کہنا تھاکہ روس سے تجارت اور سرمایہ کاری مستحکم کرنا روابط میں سنگ بنیاد ہے۔

وزیراعظم نے روسی صدر کو پاکستان کے دورے کی دعوت دی جبکہ روسی صدر نے بھی وزیراعظم کو دورے کی دعوت دی۔