وفاقی وزرا کے الزامات پر الیکشن کمیشن کا اہم فیصلہ

تفصیلات کے مطابق چیف الیکشن کمشنر سکندر سلطان راجہ کی زیرصدارت الیکشن کمیشن کا اجلاس ہوا جس ‏میں وفاقی وزرا کی جانب سے الیکشن کمیشن پر عائد کردہ الزامات کا جائزہ لیا گیا۔ ‏

الیکشن کمیشن نے لگائے گئے الزامات کو مسترد کرتے ہوئے دونوں وزراء کو نوٹس جاری کرنے کا فیصلہ کیا ہے۔ ‏الیکشن کمیشن نے قائمہ کمیٹی کی میٹنگ میں عائد کیے گئے الزامات پر اعظم سواتی سے ثبوت مانگے کا فیصلہ ‏کیا ہے۔

‏’لگتا ہے الیکشن کمیشن اپوزیشن کا ہیڈکوارٹر بن گیا‘ ‏

ساتھ ہی فواد چوہدری سے پریس بریفنگ میں الزام تراشی پر ثبوت مانگنےکا فیصلہ کیا ہے۔ اس حوالے سے ‏الیکشن کمیشن نے پیمرا سے متعلقہ ریکارڈ بھی طلب کر لیا۔

الیکشن کمیشن نے پیمرا سے کہا ہے کہ ایوان صدر، کمیٹی کارروائی اور پریس بریفنگ کاریکارڈ پیش کیا ‏جائے۔

واضح رہے کہ اعظم سواتی نے کمیٹی میٹنگ میں کہا تھا کہ الیکشن کمیشن نے پیسے کھائے ہیں جب کہ فواد ‏چوہدری نے کہا کہ ایسا لگتا ہے الیکشن کمیشن اپوزیشن کاہیڈکوارٹربن گیا ہے چیف ‏الیکشن کمشنراپوزیشن ‏کےماؤتھ پیس کےطو رپر کام کرنا چاہتےہیں۔