پی ٹی آئی حکومت کی پنجاب میں صفر کارکردگی ہے :  بلاول بھٹو

تفصیلات کے مطابق   پاکستان پیپلزپارٹی کے چیئرمین بلاول بھٹو زرداری سے پی پی پی وسطی پنجاب کے صدر راجہ پرویز اشرف اور جنرل سیکریٹری حسن مرتضی  نے  ملاقات کی ہے،  چیئرمین بلاول بھٹو زرداری سے زرداری ہاؤس میں پی پی پی وسطی پنجاب کے سیکریٹری اطلاعات شہزاد سعید چیمہ نے بھی ملاقات کی۔

چیئرمین بلاول بھٹو زرداری اور پی پی پی وسطی پنجاب کے صوبائی عہدیداران کے درمیان سیاسی و تنظیمی صورت حال پر بات چیت ہوئی، چیئرمین بلاول بھٹو زرداری اور پی پی پی وسطی پنجاب کے صوبائی عہدیداران کے درمیان آئندہ کے سیاسی لائحہ عمل پر بھی تبادلہ خیال بھی کیا گیا۔

چیئرمین بلاول بھٹو زرداری نے کہا کہ   پی ٹی آئی حکومت کی پنجاب میں صفر کارکردگی ہے، پنجاب کے عوام بزدار سرکار سے بیزار ہوچکے ہیں،  پنجاب کا چپہ چپہ پی ٹی آئی حکومت کی نااہلی کی سزا بھگت رہا ہے،  پنجاب کے جیالے اٹھ کھڑے ہوں، ہم عمران خان کے اقتدار کا خاتمہ کریں گے، پنجاب کے عوام کے ساتھ یہ ناانصافی ہوگی کہ وہ بزدار حکومت کی نااہلی کی سزا بھگتیں۔