پاکستان ، یواے ای کا مختلف شعبوں میں تعاون مستحکم بنانے پر اتفاق

پاکستان اور متحدہ عرب امارات (یو اے ای) نے تمام شعبوں میں اپنے تعاون کو مضبوط بنانے اور کثیر الجہتی فورمز پر قریبی تعاون جاری رکھنے پر اتفاق کیا ہے۔ اس عزم کا اظہار وزیر خارجہ شاہ محمود قریشی اور متحدہ عرب امارات کے وزیر خارجہ شیخ عبداللہ بن زاید النہیان کے مابین ٹیلی فونک گفتگو کے دوران کیا گیا۔ وزیر خارجہ شاہ محمود قریشی نے ایکسپو2020 کیلئے شاندار انتظامات کرنے پر اپنے متحدہ عرب امارات کے ہم منصب کو مبارکباد دی اور امید ظاہر کی کہ یہ بڑی نمائش کامیابی سے ہمکنار ہوگی۔

 دونوں وزرا ئے خارجہ نے اہم علاقائی و باہمی دلچسپی کے دوطرفہ معاملات اور افغانستان کی صورتحال سمیت علاقائی مسائل کے بارے میں قریبی روابط برقرار رکھنے پر بھی اتفاق کیا۔

H.H. Sheikh Abdullah bin Zayed Al Nayhan, Minister of Foreign Affairs and International Cooperation, discusses during telephonic conversation with H.E Shah Mahmood Qureshi, Minister of Foreing Affairs of Pkaistan, bilateral relations and regional issues pic.twitter.com/F6tsC37GDr

— UAE Embassy PK (@uaeembassyisb) September 15, 2021

یاد  رہے کہ  وزیر خارجہ شاہ محمود قریشی اور شیخ عبداللہ بن زاید النہیان کے مابین قریبی تعلقات ہیں اور حالیہ دو برس کے دوران متعدد مرتبہ ملاقات ہوچکی ہیں۔