تفصیلات کے مطابق ایل این جی ری گیسیفکیشن یونٹ (FSRU) کی تبدیلی کے باعث سوئی ناردرن گیس نے مختلف شعبوں کو گیس فراہمی عارضی طور پر معطل کرنے کا فیصلہ کیا ہے۔  ترجمان سوئی ناردرن گیس نے بتایا  ہے کہ فیصلے کے مطابق منگل اور بدھ کی درمیانی شب (رات 12 بجے) سے پنجاب اور خیبر پختونخواہ میں سی این جی، سیمنٹ اور غیر برآمدی جنرل انڈسٹری کے شعبوں کو گیس کی فراہمی معطل کردی جائے گی ۔  ترجمان نے کہا کہ یہ فیصلہ انتہائی ناگزیر صورتحال کے پیش نظر کیا گیا ہے اور گیس کی فراہمی 48 گھنٹے کے اندر بحال  کر دی جائے گی۔

 ترجمان سوئی ناردرن گیس نے اس حوالے سے صارفین سے تعاون کی اپیل کی ہے۔  دوسری جانب گیس بند ہونے سی این جی سمیت دیگر صنعتی شعبے شدید متاثر ہوئے۔

مزید پڑھیں :راکا پوشی پر پھنسے 3 کوہ پیما ریسکیو کرلیے گئے

https://gnnhd.tv/urdu/news/6849

خیال رہے کہ13 ستمبر کو  سوئی سدرن گیس ( ایس ایس جی ) کمپنی کی جانب سے اعلان کیا گیا تھا کہ  سندھ اور بلوچستان میں سی این جی سٹیشنز کو گیس کی فراہمی 14 سے 17 ستمبر تک معطل رہے گی ۔  ایس ایس جی نے کہا ہے کہ اینگرو ایل این جی ٹرمینل کی ڈارائی ڈاکنگ سے سسٹم میں گیس کی کمی آئے گی ۔ ڈرائی ڈاکنگ سے پنجاب ، اور خیبر پختونخواہ میں گیس بندش کا فیصلہ واپس لیا جاچکا ہے ۔

مزید پڑھیں :سندھ ،بلوچستان میں چار دن کے لیے سی این جی بند

https://gnnhd.tv/urdu/news/6751