افغانستان: دنیامیں سونے سب سےبڑے ذخیرے کی تلاش شروع

کابل : افغانستان میں موجود اہم اور دنیا کے سب سے بڑے سونے کے ذخائر بیکٹرین ٹریژر کی تلاش کا کام شروع کردیا گیا ہے۔

افغانستان میں ثقافتی کمیشن کے نائب سرابرہ احمد اللہ واثق کا کہنا ہے کہ اگر اس ذخیرے کو افغانستان سے باہر منتقل کیا گیا ہے تو یہ ملک کے خلاف غداری ہے اورہماری حکومت اس کے لیے سخت اقدامات کرنے جارہی ہے ۔

دنیا میں سونے کے بڑے ذخیرے میں شامل بیکٹرین 40 برس قبل شرغان سے برآمد ہوا تھا ۔ سابقہ حکومت نے سونے کے اس بڑے ذخیرکو فروری میں صدارتی محل منتقل کردیا تھا ۔

یہ بھی پڑھیں : طالبان نے افغانستان کے عبوری وزیراعظم کی تازہ تصویر جاری کردی

بیکٹرین ٹریژر افغانستان کا اہم اثاثہ سمجھا جاتا ہے جسے فروری 2021 میں سابق حکومت صدارتی محل لائی تھی اور لوگوں کے لیے نمائش کے لیے رکھا تھا ۔

سوویت اور امریکی سائسندانوں کا دعویٰ ہے کہ افغانستان ، تانبے ، باکسائٹ ، خام لوہے کے ساتھ ساتھ سونا اورسنگ مرمر اور لیتھیم جیسی قیمتی معدنیات سے بھراپڑا ہے ۔ ان سے حاصل ہونے والی کمائی لوگوں کی زندگی بدل سکتی ہے ۔

یہ بھی پڑھیں : اماراتِ اسلامیہ افغانستان کے نائب وزیراعظم کی اپنی ہلاکت یا زخمی ہونے کی خبروں کی تردید 

یونیسکو کے تاریخی ورثے کی فہرست میں شامل ایک بدھ یادگار کےنیچے ایک تخمینے کے مطابق 11 ٹن تانبا موجود ہے۔ لیکن 12 سال بعد بھی یادگار اپنی جگہ پر موجود ہے اور تانبا زمین کے نیچے ہے۔