اماراتِ اسلامیہ افغانستان کے نائب وزیراعظم کی اپنی ہلاکت یا زخمی ہونے کی خبروں کی تردید 

تفصیلات کے مطابق  اماراتِ اسلامیہ افغانستان کے نائب وزیراعظم ملابرادر  نے  آڈیو پیغام جاری کردیا ہے، ملابرادر نےاپنی ہلاکت یا زخمی ہونے کی خبروں کی تردید کردی ہے،طالبان ترجمان ڈاکٹرنعیم نے پیغام ٹوئٹ کردیا۔

مزید پڑھیں : چین کا طالبان حکومت کیلئے بڑی امداد کا اعلان

مزید پڑھیں : حکومت کا دسویں اور بارہویں کلاس کے تمام طلبا کو پاس کرنے کا فیصلہ

اماراتِ اسلامیہ افغانستان کے نائب وزیراعظم ملاء برادر نے آڈیو پیغام اپنی ہلاکت اور زخمی ہونے کی سختی سے تردید کرتے ہوئے کہا ہے کہ  یہ دشمن کا پروپیگنڈا ہے، میں افغانستان میں موجود ہوں اور مختلف شہروں کے دورے پر ہوں۔کچھ میڈیا ادارےحقیقت بیان  نہیں کررہے ۔

خیال رہے کہ  گزشتہ دو روز سےکابل میں اندرونی جھڑپ کےدوران  ملابرادر کےزخمی  یا ہلاک ہونے کی رپورٹ سامنے آرہی تھی۔

گزشتہ روز قطری وزیر خارجہ کابل پہنچے تھے جہاں صدارتی محل میں ان کا استقبال نائب وزیراعظم (دوئم) عبدالسلام حنفی نے کیا تھا۔جس کے بعد  قطری وزیر خارجہ نے افغان عبوری وزیراعظم ملا حسن اخوند اور دیگر اعلیٰ قیادت سے  بھی ملاقات کی تھی۔قطری وزیر خارجہ کے دورہ کابل کے موقع پر نائب وزیراعظم ملا برادر کی عدم موجودگی پر ان کے قتل یا زخمی ہونے کی افواہیں سامنے آئی تھیں۔