نیوزی لینڈ کی ٹیم آج کس وقت واپسی کے لیے روانہ ہوگی ، اہم تفصیلات سامنے آگئیں

اسلام آباد: نیوزی لینڈ کی کرکٹ ٹیم آج شام 6 بجے خصوصی طیارے کے ذریعے اسلام آباد سے روانہ ہوگی ۔

میڈیا رپورٹس کے مطابق نیوزی لینڈ کرکٹ ٹیم کو لینے کے لیے خصوصی طیارہ آج اسلام آباد ائرپورٹ پہنچے گا ۔ سول ایوی ایشن اتھارٹی نے خصوصی طیارے کو پاکستان میں لینڈنگ کی اجازت دے دی ہے ۔ 

خصوصی طیارہ آج شام اسلام آباد سے متحدہ عرب امارات روانہ ہوگا ، جہاں سے نیوزی لینڈ کے لیے اڑان بھرے گا۔ یاد رہے کہ جمعے کے روز پہلے ون ڈے سے قبل نیوزی لینڈ کرکٹ بورڈ  نے اچانک دورہ ملتوی کردیا تھا ۔ جس کے بعد دونوں ٹیموں کےد رمیان سیریز ملتوی ہوگئی تھی ۔