ن لیگ کے رکن پنجاب اسمبلی اظہر عباس چانڈیا تحریک انصاف میں شامل ہوگئے

تفصیلات کے مطابق پاکستان مسلم لیگ  ن لیگ کے رکن پنجاب اسمبلی اظہر عباس چانڈیا تحریک انصاف  (پی ٹی آئی )میں شامل  ہوگئے، (ن)لیگ کے رکن پنجاب اسمبلی اظہر عباس چانڈیا کا تعلق مظفر گڑھ سے ہے۔

وزیراعلیٰ پنجاب عثمان بزشار نے  شمولیت کے اعلان کا خیرمقدم کیا ہے۔

وزیر اعلی پنجاب عثمان بزدار نے کہا ہے کہ  اظہر عباس چانڈیاکا تحریک انصاف میں شمولیت کا اعلان خوش آئند ہے، جنوبی پنجاب میں پی ٹی آئی مزید مضبوط ہو گی،  اظہر عباس چانڈیاکا پی ٹی آئی میں شمولیت کا اعلان مخالف جماعت کیلئے بڑا سیاسی دھچکا ہے،  یہ کھوکھلے نعروں اورخالی تقریروں  سے عوام کو  بہلانے والوں کیلئےنوشتہ دیوار ہے۔

عثمان  بزدار کا کہنا تھا کہ  اظہر عباس چانڈیاسے احترام کا رشتہ ہے اور ان سے پہلے بھی ملاقاتیں رہی ہیں۔مخالف جماعت کی منفی سیاست کے باعث ان کے اپنے بھی ساتھ چھوڑ رہے ہیں۔یہ سلسلہ رکے گا نہیں بلکہ مزید بڑھے گا، تحریک انصاف کی عوامی خدمت کی سیاست کے باعث مخالفین کی سیاسی دکانداری ہمیشہ کے لیے بند ہو گئی ہے ۔

ان کا مزید کہنا تھا کہ  مخالف جماعت کو آئندہ الیکشن میں بھی شکست کا سامنا کرنا پڑے گا۔تحریک انصاف عوام کے دلوں پر حکمرانی کرتی ہے،جنوبی پنجاب سے کیے گئے وعدے پورے کررہے ہیں،خلوص نیت سے عوام کی خدمت میں مصروف ہیں۔