وزیراعظم عمران خان کی امن کی کوششیں مثبت ہیں، اسے مداخلت نہ سمجھا جائے: طالبان

نائب وزیراطلاعات افغانستان ذبیح اللہ مجاہد نے پریس کانفرنس میں اظہار خیال کرتے ہوئے کہا ہے کہ وزیراعظم عمران خان کی امن کوششوں کو افغانستان میں مداخلت نہ سمجھا جائے،  افغانستان میں امن کے لیے عمران خان کا کردار قابل تعریف ہے، پاکستان افغانستان میں امن چاہتا ہے۔انہوں نے پاکستان، قطر، چین سمیت دیگر ممالک کی امن کوششوں کی تائید کی۔

مزید پڑھیں : حکومت کا الیکشن کمیشن کے حوالے سے نئی حکمت عملی کیلئے اعلی سطحی اجلاس طلب

ذبیح اللہ مجاہد نے کہا کہ ننگرہار اور جلال آباد میں دہشت گردی کی مذمت کی اور کہا کہ داعش تنظیم کی شکل میں افغانستان میں موجود نہیں ہے، افغان عوام میں داعش کے خلاف نفرت پائی جاتی ہے۔انہوں نے کہا کہ دہشت گردی پر جلد قابو پالیں گے اور افغانستان میں جلد ہی امن قائم ہوجائے گا۔

نائب وزیر اطلاعات نے مزید کہا کہ نئی کابینہ میں جن  افغانیوں نے خدمت کی ہے ان کو شامل کریں گے  اور عبوری کابینہ میں مختلف مسالک سے تعلق رکھنے والوں کو شامل کیا جائے گا۔عالمی برادری کے مثبت مشوروں کی قدر کریں گے تاہم  عالمی برادری نئی افغان حکومت کو جلد تسلیم کرے۔