کسی بھی عام پاکستانی پر ٹیکس نہیں لگایا گیا، ترجمان ایف بی آر

ترجمان ایف بی آر اسد طاہر  نے میڈیا سے غیر رسمی گفتگو کرتے ہوئے کہا ہے کہ  اس ملک کی معیشت کو قرضوں کے بوجھ سے آزاد محصولات کے ‏ذریعے کیا جاسکتا ہے، محصولات کی کم وصولی کی وجہ سے اخراجات پورے کرنے ‏کیلئے ہمیں آئی ایم ایف کے پاس جانا پڑتا ہے، پاکستان کا ٹیکس بلحاظ جی ڈی پی 10.5 فیصد ہے جو کہ اس خطے ‏میں افغانستان کے بعد سب سے کم ہے،  نیپال میں ٹیکس بلحاظ جی ڈی پی 19 فیصد اور افریقہ میں 16 فیصد ‏سے زائد ہے۔

اسد طاہر ‏ نے کہا کہ  معیشت کو رسمی دستاویزی معیشت بنانا ہے، کاروباری لوگ اپنا کاروبار وسیع کرتے ہیں لیکن ٹیکس نہیں دینے ‏کیلئے تیار نہیں ہیں، اب تک 7 لاکھ 52 ہزار 174 افراد نے انکم ٹیکس گوشوارے جمع ‏کرائے ہیں۔

ان کا مزید کہنا تھا کہ  جو لوگ اضافی آمدن کماتے ہیں اور پروفیشنلز ہیں ان کے بجلی کے ‏بلوں پر ٹیکس لگا ہے،  کسی بھی عام پاکستانی پر ٹیکس نہیں لگایا گیا، عام صارف کی جیب سے میگا اسٹور پر 17 فیصد سیلز ٹیکس ‏کٹتاہے وہ ایف بی آر کو نہیں ملتا، پی او ایس میں کوئی نیا ٹیکس نہیں لگایا بلکہ ایک خودکار نظام ہے۔