نیوزی لینڈ کی ٹیم نے دورہ پاکستان ادھورا کیوں چھوڑا ، حقائق سے پردہ اٹھ گیا

تفصیلا ت کے مطابق وفاقی وزیر اطلاعات فواد چوہدری نے کہا ہے کہ  19 اگست 2021 کو احسان اللہ احسان کے نام سے ایک فیک فیس بک پوسٹ لگائی گئی،نیوزی لینڈ حکام کو پیغام بھجوایا گیا کہ نیوزی لینڈ کی ٹیم پر حملہ ہو سکتا ہے۔

24 اگست 2021 کو نیوزی لینڈ مارٹن گپٹل کی اہلیہ کو تحریک لبیک کے نام سے پروٹون میل بھجوائی گئی کہ انکو قتل کردیا جائے گا۔

13ستمبر کو کیوی ٹیم پاکستان پہنچی ، 14اور 16ستمبر کو پریکٹس سیشنز  میں حصہ بھی لیا لیکن 17 ستمبر کو نیوزی لینڈ ٹیم نے کہا کہ ہماری حکومت نے ہمیں سکیورٹی الرٹ بھیجا ہے اور ہم یہ دورہ منسوخ کرنا چاہتے ہیں۔

ایک ای میل آئی ڈی حمزہ آفریدی کے نام سے بنائی گئی۔اس آئی ڈی سے پندرہ منٹ بعد ای میل کی گئی۔جس ڈیوائس سے کیوی ٹیم کو یہ ای میل کی گئی وہ ممبئی کے شہری اوم پرکاش مشرا کے زیراستعمال تھی۔

فواد چودھری نے بتایا کہ ای میل وی پی این لگا کر بھارت سےبھیجی گئی تھی۔وی پی این کی لوکیشن سنگاپور کی لگائی گئی تاکہ بھارت کی لوکیشن معلوم نہ ہوسکے۔ ہم نے معاملے پر انٹرپول سے معاونت مانگی ہے۔