وزیر خارجہ شاہ محمود قریشی کی آئرلینڈ کے وزیر خارجہ  سے  ملاقات

تفصیلات کے مطابق دونوں وزرائےخارجہ   میں  افغانستان کی موجودہ  صورتحال پر بھی تبادلہ خیال ملاقات میں افغانستان کو ممکنہ انسانی بحران  سے بچانے کیلئے معاونت کی فراہمی کو یقینی بنانے پر ‏زور دیا ‏گیا ہے ۔

دونوں وزرائے خارجہ نے پاکستان اور آئرلیند کے درمیان دو طرفہ سیاسی ‏مشاورتی میکنزم کو فعال بنانے اور اعلیٰ سطحی روابط کو بڑھانے کی ‏ضرورت پر زور دیا ۔

وزیرخارجہ  شاہ محمود قریشی کا کہنا تھا کہ آئرلینڈ، یورپی یونین کا اہم ملک ہے،پاکستان  آئرلینڈکیساتھ تعلقات کو خصوصی اہمیت دیتا ہے،آئرلینڈ میں مقیم پاکستانی کمیونٹی  دونوں ممالک  کے ‏تعلقات  میں پُل کا کام کرتی ہے۔  

شاہ محمود قریشی نے موثر انداز میں کرونا وبا کے پھیلاؤ کو روکنے میں کامیابی ‏پر آئرلیند حکومت کی حکمت عملی اور کاوشوں کو سراہا ہے، وزیر خارجہ نے جی ایس پی پلس اسٹیٹس کے حوالے سے پاکستان کی حمایت ‏پر آئرلیند کی قیادت کا شکریہ بھی ادا کیا ہے۔‏

وزیرخارجہ  شاہ محمود قریشی کا کہنا تھا کہ پاکستان اور آئرلیند کے درمیان تجارت، سرمایہ کاری، ماحولیات، صحت، قابلِ ‏تجدید توانائی ،زراعت، سیاحت اور ٹیکنالوجی کے شعبہ جات میں دو طرفہ ‏تعاون بڑھانے کے وسیع مواقع موجود ہیں۔

آئرلینڈ کےوزیر خارجہ نے پاکستان میں وبائی اور سیکورٹی صورتحال میں بہتری کو ‏پیش نظر رکھتے ہوئے، ٹریول ایڈوایزری پر نظرثانی کے اقدام کی تعریف کی ہے۔