ٹانک :بارودی مواد کے دھماکے سے لڑکیوں کا سکول جزوی تباہ

تفصیلات  کے مطابق خیبرپختونخوا  کے ضلع ٹانک    میں دہشت گردانہ کارروائیاں نہ رک سکیں،   نامعلوم افراد نے ٹانک میں زیر تعمیر گرلز سکول کو دھماکے سے اڑا دیا ۔ واردات  میں سات کلو تک بارودی  مواد استعمال کیاگیا ۔

دھماکے سے سکول کی دیواریں منہدم ہوگئیں جبکہ ایک کمرےکو نقصان  بھی پہنچا۔خوشی قسمتی سے کوئی جانی نقصان نہیں ہوا۔

اطلاع پرپولیس   اور بم ڈسپوزل اسکواڈ موقعہ پر پہنچ گیا۔پولیس نے  علاقے کی ناکہ بندی کرکے  سرچ آپریشن شروع کردیا، تاہم  کوئی گرفتاری عمل میں نہیں آئی۔

بم ڈسپوزل اسکواڈ کا کہنا ہے کہ دھماکےمیں  پانچ سے سات کلو وزنی  بارودی مواد استعمال کیا گیا ہے۔