تعلیم کے معیار میں بہتری کی ضرورت ہے: مراد علی شاہ

تفصیلات کے مطابق وزیراعلیٰ سندھ مرادعلی شاہ نے پریس کانفرنس کرتے ہوئے کہا ہے کہ تعلیم کے معیار میں بہتری کی ضرورت ہے۔

انہوں نے کہا کہ کورونا کے دوران ایک شخص 10 لاکھ روپے کا چیک اس لیے دے کر گیا کیونکہ وہ سندھ حکومت پر اعتماد کرتا تھا ، بارش ہوئی لیکن پانی بہت زیادہ نہیں اور دو تین گھنٹے میں پانی کی نکاسی آب کے اقدامات کیے گئے ، عباسی شہید اسپتال  پہلے سے بہت بہتر ہے۔

وزیراعلیٰ سندھ مرادعلی شاہ نے کہا ہے کہ سڑکوں کی حالت خراب ہے ، بہتری کی گنجائش ہے اور کرینگے ، تعلیم کے لحاظ سے کچھ بہتر کام نہیں ہوا ، یہ بھرتیاں گھر بیھٹے ہوسکتی تھیں ، ٹسیٹ کے بعد درست لوگوں کو لانا چاہتے ہیں ، اگر نوکریاں دینا ہوتی تو یہ نا کرتے ، سپریم کورٹ نے بہت کچھ سندھ حکومت نہیں وفاقی حکومت کے لیے بھی کہا ہے۔

مرادعلی شاہ نے کہا ہے کہ ایک مثال دی کہ ایک ریٹائرڈ شخص دس لاکھ روپے کورونا کے لیے دیتا ہے ، سڑک پر لوگ مر جاتے ہیں ، یہ کوئی اچھی بات نہیں اس کو بہتر کررہے ہیں ، بارش کے بعد پانی جمع ہوا پھر نکل بھی گیا ، شاہراہ فیصل سے بھی بارش کے دو گھنٹے بعد پانی نکل گیا تھا ، شہر کی ایک جگہ پانی نکلنے میں تاخیر ہوئی تو وہ بھی ایک وجہ ہے۔

انہوں نے کہا ہے کہ شہر میں عباسی شہید اسپتال کو سندھ حکومت نہیں چلاتی تھی ، اب عباسی شہید کو ہم دیکھ رہے جلد بہتری ہوگی ، شاہراہ فیصل 3 سال پہلے بنائی گئی ہے ، شہر کی سڑکوں کو بہتر کرنے جارہے ہیں۔

وزیراعلیٰ سندھ مرادعلی شاہ نے کہا ہے کہ آٹے اور چینی کی قیمت ڈبل ہوجائے تو مہنگائی سے عوام کا کیا ہوگا ، تنقید کرنا منع نہیں لیکن مسائل بھی سننے چاہئیں۔