دورہ پاکستان منسوخ کے حوالے سے   انگلینڈ کرکٹ پلیئرز یونین نے بڑا انکشاف کردیا

تفصیلات کے مطابق انگلینڈ کرکٹ پلیئرز یونین نے دورہ پاکستان منسوخ ہونے کے حوالے سے بڑا انکشاف کردیا۔ پلیئرز یونین کے مطابق ان سے پاکستان جانے کے بارے میں پوچھا بھی نہیں گیا۔ کھلاڑیوں کی یونین کے مطابق ان سے پاکستان جانے کے حوالے سے مشورہ بھی نہیں کیا گیا،انہیں اندھیرے میں رکھا گیا اور دورہ منسوخ ہونے کے بعد فیصلے سے آگاہ کیا گیا۔

انگلش کرکٹ بورڈ نے  ٹیم پاکستان نہ بھیجنے کی ایک وجہ یہ بھی بتائی تھی کہ کرکٹرز کو تحفظات ہیں۔

دوسری جانب ویسٹ انڈیز کرکٹ بورڈ کے چیف ایگزیکٹیو جونی گریو نے کہا کہ پی سی بی سے رابطے میں ہیں،پاکستان جانے کا فیصلہ سیکورٹی ایکسپرٹس اور کھلاڑیوں سے بات چیت کے بعد کریں گے۔ ویسٹ انڈیز کرکٹ بورڈ کے چیف ایگزیکٹیو جانی گریو نے کہا ہے کہ وہ کھلاڑیوں اور سیکورٹی ایکسپرٹس سے مشورے کے بعد دورہ پاکستان کا فیصلہ کریں گے۔

افغانستان کرکٹ بورڈ کے چیئرمین عزیز اللہ فضلی بھی 26 ستمبر کو پاکستان آئیں گے،رمیز راجا سے ملاقات میں پاکستان اور افغانستان کی سیریز کے حوالے سے بھی بات ہوگی۔