پی آئی اے کا فلیٹ سے ریٹائر 6 ایئربس  320 طیارے فروخت کرنے کا فیصلہ

تفصیلات کے مطابق پی آئی اے کے فلیٹ سے ریٹائر 6 ایئربس 320طیارے فروخت کرنے کا فیصلہ کیا گیا ہے، دلچسپی کی حامل کمپنیز کو درخواستیں جمع کرانیکی ہدایت کردی گئی ہیں انجنز کے بغیر ان طیاروں کی قیمت کے تعین کیلئے معروف کمپنیزسے پیشکش طلب کی گئی ہے۔

پاکستان انٹرنیشنل ایئرلائنز (پی آئی اے)  کی جانب سے دلچسپی کی حامل کمپنیزکو26اکتوبردوپہر3بجے تک درخواستیں جمع کرانے کی ہدایت  کی گئی ہے،  بولی اسی دن 4بجے بولی دہندگان کی موجودگی میں کھولی جائے گی۔

خیال رہے کہ گذشتہ ماہ پاکستان انٹرنیشنل ایئرلائن نے گلگت ایئرپورٹ پر کھڑا اے ٹی آر طیارہ 8.3 ملین روپے میں فروخت کردیا تھا ،  طیارے کی نیلامی میں کامیاب بولی گلگت کے مقامی ٹھیکیدار کو دی گئی۔

ترجمان پی آئی اے کا کہنا  تھا کہ  ناکارہ اے ٹی آر طیارے کے انجن، دیگر سامان وزن کے حساب سے فروخت کیا گیا تھا۔ نیلامی کے لیے اس طیارے کی قیمت 0.844 ملین رکھی گئی تھی تاہم اسے مقررہ قیمت سے10 گنا زائد پر نیلام کیا گیا۔