ملک میں کورونا کے ایک ہزار656 نئے کیسز رپورٹ

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کے دوران  گزشتہ چوبیس گھنٹے  میں  کورونا کے ایک ہزار656 نئے کیسز سامنے  آئے  اور35 اموات کی تصدیق ہوئی۔ 

این  سی او  کے مطابق گزشتہ 24گھنٹوں میں کوروناکے50ہزار779ٹیسٹ کئےگئے، گزشتہ24گھنٹوں میں کوروناکےمثبت کیسزکی شرح3.26فیصدرہی، پاکستان میں کوروناکے3444مریضوں کی حالت تشویشناک ہے۔

پنجاب

پنجاب میں کورونا مریضوں کی تعداد 4لاکھ32ہزار 809ہوگئی ۔ جبکہ صوبے میں اب تک 12ہزار 672افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  4 لاکھ 59ہزار392ہو گئی جبکہ صوبے میں اب تک 7 ہزار425افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 74ہزار490ہوچکی ہے ۔ صوبے میں 5571افراد چل بسے۔

بلوچستان

بلوچستان میں کورونا وائرس کے اب تک 32ہزار956کیسز رپورٹ ہوئے ہیں جبکہ صوبے میں 349مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد ایک لاکھ 5ہزار 664جبکہ اموات کی تعداد927تک جاپہنچی ۔

گلگت بلتستان

گلگت بلتستان میں اب تک 10ہزار 331فراد کورونا کا شکار ہوئے ہیں جبکہ184افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد34ہزار216ہوچکی ہے جبکہ 738افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ24گھنٹوں  میں 2052فرادکوروناسےصحت یاب ہوچکے، ملک بھر میں اب  تک11لاکھ75ہزار489مریض کورونا کو شکست دے چکے ہیں ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا ۔