احسن اقبال  کا   وزیر اعظم سے مستعفی ہونے کا مطالبہ

مسلم لیگ ن کے رہنماء احسن اقبال نے  نارووال میں میڈیا سے گفتگو کرتے ہوئے کہا ہے کہ   آج جاری ہونے پنڈورا لیکس نے عمران خان کا پنڈورا باکس کھول دیا ہے،   جو لیڈر دنیا کو صادق و امین ہونے کا یقین دلاتا تھا ،  عمران خان کی 2 اور اف شور کمپنیاں نکل آئی ہیں  اور   اپنی چوری چھپانے کے لئے ان لیکس کے باقاعدہ ریلیز ہونے سے پہلے حکومتی ترجمانوں نے صفائیاں دینا شروع کر دی ہیں، جس سے صاف پتا چل گیا ہے کہ چور کی داڑھی میں تنکا ہے ۔

احسن اقبال نے کہا کہ   آج سوشل میڈیا بھرا پڑا ہے ایک گھڑی کو بیچنے کی کہانیوں سے جسے وزیر اعظم سے منسوب کیا جارہا ہے، ایک اہم دوست ملک کی طرف سے دی جانے والی قیمتی گھڑی کو بیچ دیا گیا ہے ،  اس کی باقاعدہ تحقیقات ہونے چاہئے ،  اگر بات درست ہے تو عمران نیازی کو پاکستان قوم کے وقار اور غیرت بیچنے جرم میں استعفی دینا چاہئے اور مقدمہ درج ہونا چاہیے،  خبر درست نہیں ہے تو پھر ھکومت اور عمران نیازی توشہ خانہ کی تفصیل قوم کے سامنے پیش کریں ۔

لیگی رہنما احسن اقبال نے مزید کہا کہ   وزیراعظم کی طرف تفصیل نہ بتانا اعتراف جرم ہے، ہر پاکستانی کے لئے ناممکن ہو گیا کہ عزت کے ساتھ رزق حلال میں پال سکے ،  آج بجلی بل ،گیس، پٹرول مہنگائی نے ملک معیشت کی بنیادوں کو ہلا دیا ہے ،  20 روپے ڈالر کے مقابلہ میں ڈی ویلویشن ہوئی ہے ،  عمران نیازی کے پاس کوئی ٹیم نہیں تھی ،  اس نے پاکستان قوم کے ساتھ دھوکہ کیا ہے۔انہوں نے مزید کہا کہ  اس کرپٹ ھکومت کا اقتدار میں رہنے کا کوئی جواز نہیں رہ گیا،  پنڈورا لیکس میں عمران نیازی کے 2 اکاونٹ آنے کے بعد عمران نیازی کا کوئی اخلاقی جواز نہی  رہ گیا کہ وہ وزیراعظم کے عہدے پر برقرار رہیں۔