شعیب ملک کی ٹی ٹوئنٹی ورلڈکپ اسکواڈمیں شمولیت پرشاہدآفریدی کاردعمل

ٹوئٹرپر شاہدآفریدی کا کہنا ہےکہ شعیب ملک ایک تجربہ کار اور سینئربلےبازہیں،انکی ورلڈکپ اسکواڈ میں واپسی خوش آئندہے۔ 

شاہد آفریدی نے خوشی کا اظہارکرتے ہوئےکہا کہ شعیب ملک پاکستان کی جیت میں اہم کرداراداکرسکتے ہیں۔

یادرہےکہ قومی کرکٹر صہیب مقصود کمر کی تکلیف کی وجہ سے  ٹی ٹوئنٹی ورلڈکپ اسکواڈ سے باہر ہوگئے اور ان کی جگہ آل راؤنڈ شعیب ملک کو ٹیم میں شامل کر لیا گیا ہے۔

صہیب مقصود نیشنل ٹی ٹوئنٹی کے دوران کمر کی تکلیف کا شکار ہوگئے تھے جس کے بعد ان کی ورلڈکپ میں شرکت پر سوالیہ نشان لگ گیا تھا۔

 پاکستان کرکٹ بورڈ(پی سی بی) کا کہنا ہے کہ صہیب مقصود کے متبادل کے طور پر شعیب ملک کو ٹیم میں شامل کر لیا گیا ہے۔