آزاد کشمیر کے دوحلقوں میں ضمنی انتخاب ، پولنگ جاری

تفصیلات کے مطابق ایل اے 3 میرپور اور کوٹلی کے  حلقہ ایل اے 12 چڑھوئی میں      پولنگ کا عمل جاری ہے،  تحریک انصاف ،پیپلزپارٹی اور مسلم لیگ ن  کے امیدوارمیں   کانٹے کا مقابلہ متوقع ہے۔ 58 پولنگ اسٹیشن انتہائی احساس، 29 حساس قراراورسکیورٹی کے  سخت انتظامات کیے گئے ہیں ۔

ایل اے3میرپورمیں بیرسٹر سلطان محمود چودھری کےصدربننے  کی وجہ سےنشست خالی ہوئی تھی، ضمنی الیکشن       میں بیرسٹرسلطان محمودکےبیٹےیاسرسلطان  تحریک انصاف       کےامیدوارہیں۔ مسلم لیگ ن   کےچودھری محمدسعیداورپیپلز پارٹی  کے چودھری محمداشرف   میدان میں ہیں ۔     ،حلقے     میں کل ووٹرز   کی تعداد 85ہزار864 ہے ، ایل اے 3 میرپور      میں  149 پولنگ اسٹیشن قائم کئے گئے  ہیں۔

کوٹلی کے  حلقہ ایل اے 12 چڑھوئی  میں 106428 افراد اپنا حق رائے دہی  استعمال کریں گے،  ،تحریک انصاف کے چودھری شوکت فرید اور پیپلز پارٹی کے عامر یاسین میں  کانٹے کا مقابلہ متوقع ہے، مسلم لیگ ن کے راجا ریاست  بھی میدان میں ہیں ، ایل اے 12 چڑھوئی  کی نشست پیپلز پارٹی  کے چودھری محمد یاسین   کے جیل جانے  کی وجہ سے خالی ہوئی تھی ۔