شہباز شریف  کا پرویز ملک کے انتقال پر اظہار افسوس

تفصیلات کے مطابق مسلم لیگ نون رہنما اور رکن قومی اسمبلی  لاہور اور پرویز ملک کے انتقال پر اظہار افسوس کرتے ہوئے شہبازشریف نے کہا کہ مسلم  لیگ ن قابل ،وفادار اورمخلص رہنما سے محروم  ہوگئی۔پرویز ملک مخلص بھائی اور ساتھی تھے ،ان کی رحلت بڑا نقصان ہے۔ان کاکہنا تھا  کہ نوازشریف اورمسلم لیگ (ن) سے پرویزملک کی وابستگی، وفاداری اور محبت و اعتماد کا تعلق مثالی رہا، ملک، جمہوریت اور عوام کے لیے پرویزملک کی خدمات کو ہمیشہ یاد رکھا جائے گا۔ شہباز شریف نے مزید کہا کہ پرویزملک پارٹی کا قیمتی سرمایہ تھے، ان کی کمی پوری نہیں ہو سکے گی، اللہ تعالیٰ پرویزملک کو جنت الفردوس میں اعلی مقام عطا فرمائے اور لواحقین کو صبر جمیل دے۔ 

مسلم لیگ ( ن )لاہور کے صدر پرویز ملک  انتقال کر گئے

واضح رہے کہ صدر لاہور مسلم لیگ ن اور رکن قومی اسمبلی پرویز ملک گزشتہ کچھ عرصے سے علیل تھے اور آج بھی انہیں دل کی تکلیف کے باعث اسپتال منتقل کیا گیا تھا تاہم وہ جانبر نہ ہو سکے۔ پرویز ملک 18 نومبر 1947 کو لاہور میں پیدا ہوئے۔  پرویز ملک 5 مرتبہ ممبر قومی اسمبلی کے رکن منتخب ہوئے۔ انہوں نے پہلی مرتبہ 1997 میں پاکستان مسلم لیگ ن کی ٹکٹ پر الیکشن جیتا۔ اس کے بعد سال 2002، 2010، 2013 اور 2018 کے انتخابات میں بھی   کامیابی حاصل کی ۔  پرویز ملک 2017 سے 2018 تک کامرس اور ٹیکسٹائل کے وزیر رہے۔

پرویز ملک این اے 133 لاہور سے مسلم لیگ ن کے رکن قومی اسمبلی تھے جبکہ پرویز ملک کے بیٹے علی پرویز ملک اور ان کی اہلیہ شائستہ پرویز ملک بھی رکن قومی اسمبلی ہیں۔