پی ایس ایل فرنچائزز نے پی سی بی کی پیشکش قبول کرلی

تفصیلات کے مطابق پاکستان کرکٹ بورڈ کا کہنا ہے کہ   پی ایس ایل 5 اور 6 کے لیے ٹیم مالکان کو کوویڈ 19 ریلیف دیا جائے گا،   پی ایس ایل کے ساتویں ایڈیشن سے بیسویں ایڈیشن تک سینٹرل پول آف ریونیو میں ٹیموں کے شیئر میں اضافہ ہوگا، آج کے دن ہونے والا ڈالر کا ریٹ مقرر کر دیا گیا ہے۔

چئیرمین پی سی بی رمیز راجا نے کہا ہے کہ   پی سی بی اور فرنچائزز کے درمیان ان حل طلب  معاملات کی وجہ سے برانڈ کی ساکھ متاثر ہورہی تھیم  خوشی ہے کہ یہ تمام معاملات بالآخر حل ہوچکے ہیں ،  یہ فرنچائز مالکان کے ساتھ ہمارے تعلقات  کو مضبوط بنانے کی جانب ایک بڑا قدم ہے۔

فرنچائز مالکان  نے  مشترکہ اعلامیہ میں کہا ہے کہ    پی ایس ایل ہم سب کے  دل کے بہت قریب ہے۔  سال 2016 کے بعد سے ہم نے اسے آج اس مقام پر پہنچانے کے لیے    بہت محنت کی ہے۔  پی سی بی کی پیشکش کو قبول کرنے کا مطلب ہم   پی ایس ایل کو ایک بڑی اور بہتر لیگ بنانے کے لیے پرعزم ہیں ۔