اسپین میں قومی دن کا جشن، عسکری طاقت کا بھرپورمظاہرہ

غیر ملکی خبر رساں ادارے کے مطابق اسپین میں قومی دن کا جشن شاندار ملٹری پریڈ سے منایاگیا، ہسپانوی بادشاہ  فیلیپے، ملکہ لیٹیزیااور شہزادی صوفیہ بھی عسکری پریڈ دیکھنے پہنچیں۔ہسپانوی وزیراعظم،   حکومتی اور اپوزیشن ممبران بھی موقع پر موجودتھے۔

قومی دن کے موقع پر عسکری طاقت کا بھرپورمظاہرہ کیاگیا۔  جنگی طیاروں کی فارمیشن نے دیکھنے والوں کوحیران کردیا۔دوہزار چھ سوسے زائدفوجی اہلکاروں نے پریڈ میں حصہ لیا اور پریڈ میں 115فوجی گاڑیوں کی نمائش کی گئی۔فضاجنگی طیاروں کی گھن گرج سے گونجتی رہی،  پیراشوٹسٹ نے بھی  فضاء میں ہسپانوی پرچم لہرایا۔

گزشتہ سال   پریڈ کوویڈ 19 پابندیوں کی وجہ سے منسوخ کر دیا گیا تھا لیکن 2019 میں 4000 فوجیوں نے روایتی فوجی مارچ میں حصہ لیاتھا۔