پاکستان میں کورونا سے یومیہ اموات اور کیسزکی شرح میں کمی 

نیشنل کمانڈ اینڈ آپریشن سینٹر کی جانب سے جاری کیے گئے تازہ اعداد و شمارکے مطابق  ملک میں کورونا وائرس کی  چوتھی  لہر کے دوران  گزشتہ چوبیس گھنٹے  میں  کورونا کے 1086 نئے کیسز سامنے  آئے  اور 27اموات کی تصدیق ہوئی۔

ہرنائی میں زلزلے کے جھٹکے  

ملک میں  اموات کی مجموعی تعداد28ہزار228 ہوگئی ہے،جبکہ متاثرہ افراد کی مجموعی تعداد 12لاکھ 62ہزار771تک پہنچ گئی ہے۔ملک بھرمیں کورونا فعال  کیسز کی تعداد39ہزار953 ہوگئی ۔ 

پنجاب

پنجاب میں کورونا مریضوں کی تعداد 4لاکھ37ہزار 316ہوگئی ۔ جبکہ صوبے میں اب تک 12ہزار 821افراد جان سے ہاتھ دھو بیٹھے ہیں ۔

سندھ

سندھ میں کورونا وائرس سے سب سے زیادہ متاثرہ مریضوں کی تعداد  4 لاکھ 64ہزار746ہو گئی جبکہ صوبے میں اب تک 7 ہزار 520افراد جان کی بازی ہار گئے ۔

خیبرپختون خوا

خیبرپختون خوا میں کورونا وائرس سے متاثرہ مریضوں کی تعدادایک لاکھ 76ہزار501ہوچکی ہے ۔ صوبے میں 5673افراد چل بسے۔

بلوچستان

بلوچستان میں کورونا وائرس کے اب تک 33ہزار108کیسز رپورٹ ہوئے ہیں جبکہ صوبے میں 352مریض چل بسے ۔

اسلام آباد

وفاقی دارالحکومت اسلام آباد میں مجموعی طورپرمتاثرہ افراد کی تعداد ایک لاکھ 6ہزار 357جبکہ اموات کی تعداد936تک جاپہنچی ۔

گلگت بلتستان

گلگت بلتستان میں اب تک 10ہزار363فراد کورونا کا شکار ہوئے ہیں جبکہ186افراد جان سے ہاتھ دھو بیٹھے ۔

آزاد کشمیر

آزاد جموں کشمیرمیں کورونا سےمتاثرہ افراد کی تعداد34ہزار380ہوچکی ہے جبکہ 740افراد جان کی بازی ہار گئے ۔

ملک بھرمیں صحت یاب ہونے والے افراد کی تعداد بھی تیزی سے بڑھنے لگی ہے، این سی اوسی کے مطابق گزشتہ24گھنٹوں  میں  1415فرادکوروناسےصحت یاب ہوچکے، ملک بھر میں اب  تک11لاکھ 94ہزار590مریض کورونا کو شکست دے چکے ہیں ۔

واضح رہے کہ پاکستان میں کورونا وائرس کا پہلا کیس 26 فروری 2020 کو ملک کے سب سے بڑے شہر کراچی میں سامنے آیا تھا   ۔